KZ
#ҚасиеттіРамазанайы
Танымдық әңгіме
"Рамазан айындағы мәні мен құндылықтары"
Рухани-адамгершілік тәрбие беру және дәстүрлі құндылықтарды насихаттау аясында аудандық кітапханада мұсылмандар үшін қасиетті Рамазан айына арналған «Рамазан айының мәні мен құндылықтары» тақырыбында танымдық әңгіме өтті. Іс-шараның құрметті қонағы — Ғабит Мүсірепов атындағы аудан мешітінің бас имамы Жұманқожа Сейфулла Жайқияұлы болды. Кездесудің мақсаты — оқырмандардың Рамазан айының рухани маңызы туралы білімін кеңейту, мәдени және діни мұраға құрметпен қарауды қалыптастыру, сондай-ақ қоғамдағы толеранттылық, өзара сыйластық пен конфессияаралық келісім қағидаттарын нығайту.
Әңгіме барысында имам оразаның терең рухани мәні, оның адам бойында сабырлық, кішіпейілділік, жанашырлық және өз іс-әрекетіне жауапкершілік сияқты адамгершілік қасиеттерді қалыптастырудағы рөлі туралы айтты. Рамазан айының тек ішіп-жеуден тыйылу ғана емес, ең алдымен рухани тазару, шынайы құлшылық, мейірімділік, қайырымдылық және отбасы мен адамгершілік құндылықтарды нығайту кезеңі екені атап өтілді. Кітапханашылар Муратова А. мен Нурмаканова Б. қатысушыларды оразаның пайда болу тарихымен, оның рухани мәнімен және Рамазан айын ұстану дәстүрлерімен таныстырды. Іс-шара бағдарламасы аясында ислам мәдениеті, тарихы мен рухани дәстүрлері туралы әдебиеттер ұсынылған тақырыптық көрмеге шолу жасалды.
Мұндай кездесулер тұлғаның рухани дамуына, оқырмандардың дүниетанымын кеңейтуге және кітапхананың мәдени-ағартушылық диалог орталығы ретіндегі рөлін нығайтуға ықпал етеді.
